December, 09-2012 TWITTER FACEBOOK PRINT THIS PAGE SEND TO A FREIND  
Madaxweynaha dalak Masar Maxamed Morsi ayaa waxaa uu dib uga laabtay wareegtaddii uu soo saaray hal bil ka hor taasoo uu awoodiisa ku balaarinayay, isla markaana waxaa uu sheegay in la qaadi doono aftida dastuurka cusub xiligii loo balan sanaa.









Madaxweynaha Masar ayaa u muuqda inuu tanaasul u sameeyey shacabkiisa Masar oo si weyn uga horyimid go’aankii uu qaatay 22-kii bishii November ee uu ku balaarinayey awooda Xafiiskiisa, isla markaana asagoo wareegtooyinkaasi ku sheegay in Garsoorka aysan ka horimaan karin go’aamada kasoo baxa Xafiiskiisa.

Inkastoo Madaxweyne Morsi uu dib uga noqday go’aankiisii hore ee la xariiray Awoodiisa, ayuu hadana sheegay inuusan waxna ka qaban karin wakhtiga loo qabtay qaadista Aftida Dastuurka cusub oo ku beegan 15 bishan December.

Madaxweynaha dalkaasi ayaa waxaa uu balan qaaday haddii bulshada reer Masar ay diidaan dastuurka cusub ee aftida loo qaadi doono, balse ay guddiga soo qoraya dastuurka kale oo cusub ay noqn doonaan mid ay shacabka ayna baarlamaanka soo magacaabi doonin.

Si kastaba ha ahaatee go’aanada cusub ee kasoo baxay xafiiska Madaxweynaha Masar ayaa ah mid lagu qaboojinayo xiisada ka dhalatay dalkaasi oo ay dad ku dhinteen, kadib markii ay gacanta isula tageen mucaaridka kasoo horjeeday go’aamadii hore uu qaatay Madaxweynaha iyo waliba taageerayaasha xisbiga Akhwaan Muslimiinka.



Baledweyn Online
News Desk


Halkaan ka Daalaca Wararkii Maanta Oo Dhan
COMMENTS (0)
No Comments Available
ADD YOUR COMMENT
Name :  
 
Email :  
 
Comment :  
 
Virivication Code :  
 
 
RELATED ITEMS
MOST READ
LATEST NEWS